Esqueleto ya descubri enterao

Ta imbestiga ahora el maga pulis para sabe di quien aquel esqueleto ya encontra el un construction worker mientras ta grevata le oyo para hace septic tank na un residencia na Maasin del Martes tarde.

Na report del pulis ta aparese apuru si Christopher Brosas ta agujera oyo atras na casa di Aaron Joshua Hernandez cuando ya nota este con unlargo aluminum amarao y enterao poco-mas-o-menos 3 pies de hondo.

Porcausa tiene mal olor ta sale, ya man busisi si Brosas con este y ya sale le espantao cuando ya descubri le maga huweso de gente embolbido de aluminum.


El incidente dayun ya reporta na estacion del pulis para hace el imbestigacion.

Ta precura ahora sabe el maga pulis el nombre del persona quien ya muri y ya entera na mencionao lugar.

Facebook Comments