Establisemento nakadawat og bomb threat sa nagpailang NPA

32

Davao City – Nidangop sa kapulisan ang chef sa usa ka iladong restaurant sa dakbayan sa Davao human gihulga ang ilang establisemento sa nagpailang sakop sa New People’s Army (NPA).

Naalarma ang chef nga usa ka alyas Jay human makadawat og tawag gikan sa usa ka unknown number ug nagpailang si Kumander Kagagon sa NPA.


Gibutyag niini nga pugsanong gipangayo sa maong suspek ang cellphone number sa tag-iya sa restaurant ug kung dili kini mutuman, magbilin sila’g bomba sa maong establisyemento.

Giimbestigahan na sa San Pedro Police Station ang maong report ug gisubay na ang number nga gigamit sa suspek.

Subling nagpasidaan ang kapulisan sa publiko sa culture of security ug i-report gilayon sa mga awtoridad kung adunay mamatikdang suspisyusong mga tawo ug kagamitan sa palibot.

RadyoMaN Aimee Guinita



Facebook Comments