Kalibo, Aklan – Arestado rong sangka 22-anyos nga eaeaki matapos nga ginpatigayon rong buy-bust operation kabii sa corner it F. Quimpo St. ag Goding Ramos St., Kalibo, Aklan.
Ro suspek nakilaea kay Kriz Kar Zabala y Feliciano alyas Kar Kar , residente it Brgy. Lumaynay, Altavas, Aklan.
Ginpatigayon rong operation ko gintingub nga pwersa it Provincial Drug Enforcement Unit (PDEU), Kalibo PNP ag PIB kung sa siin nahabakean it sangka plastic sachet it suspected shabu rong suspek kabaylo it 2,000 pesos.
Samtang sa ginpatigayon nga body search sa suspek nabuoe pa gid kana rong sang bulto it marijuana, 1 unit it cellphone, buy-bust money, iba pang drug paraphernalia ag 1 unit it motorcycle.
Si Zabala hay detained sa lock up cell it Kalibo PNP ag magapangatubang it kasong pagbayolar sa Sec. 5, 11 ag 12 (pagbaligya, paghupot it drogra ag paghupot it mga drug paraphernalia) it Republic Act 9165 ukon Comprehensive Dangerous Drug Act of 2002.
