Estudyante dinukoe it principal, nag reklamo

16

Boracay — Nagreklamo ro sangka 17-anyos nga Grade 10 student matapos nga anang gina alegar gindukoe ag ginpakahuy-an sa mga isigka estudyante sa Boracay National High School.

Sa panaysayon ni Ederick Sastre sa RMN DYKR nga kahapon hay naulihi imaw nga maka atender sa unang flag ceremony rason nga ginpakamayad nana ag ko ana pang mga kibahan nga sa second flag ceremony mag-atender.

Pagkatapos hay nagpanaw eon sanda pasueod sa classroom ugaling naghambe ro sangka maestra nga balik anay sa flag pole para kunta sa community service bilang pinalidad sa mga late.

Tag mabalik eon kunta imaw may naghawid sa anang bag, pag-adwing nana nakita na ro andang principal nga si Mr. Eliseo Casidsid ag ana ginkutana kon ham-an, dayon kuno humambae si Casidsid nga “ikaw gid mana naga hara-hara mapanaw”.

Pagkatapos kato, dayon imaw ginduso, gitampuyong nga inigo sa may kaeo nga umigo pa gid sa anang dueonggan nga sa pagtan-aw na kay Sir hay akig gid nga mayad.

Gin hambaean ni Sastre si Casidsid nga bukon it tama ro anang gin ubra, ugaling ginsinggitan imaw nga “get out”, gingguyod paadto sa gate ag gingpakahuy-an sa mga estudyante.

Nag-uli eon lang si Satre sa andang baeay ag nag sugid kay Mama na, nagbalik dayon sanda sa eskwelahan para nga makipag istorya kay Mr. Casidsid nga kung sa siin anda ginaeauman nga daehon sanda sa principal’s office ugaling nadismaya sanda dahil sa may flag pole sanda nag istorya ag uwa kuno kasayod.

Nag-uli eon lang sanda ay indi man maistorya it mayad ro nasambit nga principal.

Nasayuran nga raya rong ikaywang beses nga ginamaka na si Sastre, bangud nga ko Valentine’s Day hay nagtao imaw it teddy bear sa anang girl friend hay nag sininggit ro mga kaklase na ag nasangagan si Casidsid, ana nga gin room-to-room ag gin usoy si Ederick rayon nga ginpauli naman.

Kunta sun okay Ederick hay indi mag makaron si Mr. Casidsid, kung may dapat istoryahan hay ipatawag sa principal’s office ag idto istoryahan.

Samtang sa pihak nga parte, ginbuoe man it DYKR ro side it nanay. Suno kana nakita na ro anang unga nga nag uli ag diretso sa kwarto, tapos naghambae nga kung pwede hay mag-adto anay sa eskwelahan hay gindukoe imaw it andang principal.

Insigida nga nagbalik ro mag-ina sa eskwelahan pag-abot sa gate uwa pa anay sanda ginpasudla it guard ay maeaong pa kay Mr. Casidsid, pag balik it guard naghambae nga nana tag tatay lng ro pwede kasueod.

Ginpilit it nanay nga makasueod anang unga para masayuran kung ano gid ro nagkaeanabo ag nakasueod man.

Nagapasangdo pa eang sanda hay kabaskog eagi ro limog ni Mr. Casidsid ag naga sininggit imaw sa atubang ko abo-abo nga estudyante gapamati.

Ginhambaean imaw it nanay nga kung pwede hay sa principal’s office lang sanda mag istorya pero uwa gid namati si Sir, ginsarorot pa nana rong nanay.

Hasta nga ko ulihi nagsaebtanan sanda nga ko ulihi ginsabat it principal ro nanag nga “Wala akong alam”, ag pagkatapos kara hay ginhambaean man it nanay si Sir nga “bastos ka sir”.

Ko ulihi nag uli eon lang sanda hay uwa man maka istorya it mayad, samtang naga paguwa sanda sa gate naga sinunod man si Sir ag nagapangayo it pasensya pero uwa ginsapaka it nanay.

Gintinguhaan man it RMN DYKR nga mabuoe ro side ni Mr. Casidsid pero uwa raya magsabat ag abo nga rason, pero tinguhaon sa gihapon it RMN DYKR nga makasabat imaw sa aligasyon it estudyante ag ko anang nanay.

Facebook Comments