Estudyante patay human naghikog sa Traffic Light sa Koronadal City

South Cotabato—Patay ang usa ka Kenth Jhon Ranoa, 19, estudyante, Lumad nga taga Pigcawayan, Sorth Cotabato ug temporaryong nanimuyo sa balay sa iyang iyaan sa GPS, Koronadal City human kining naghikog sa Poste sa Traffic Light nga makaplagan sa Gensan Driver, atubangan lang sa usa ka dakong Mall sa syudad pasado alas 10:00 sa gabie.

Sa report sa Koronadal PNP nasayran nga kasagsagan sa Opening sa Hinugyaw Festival dihang nakadawat nalang sila ug report nga adunay tawo nga nagbitay sa Traffic light, gilayon kining girespondihan ug gitangtang ang biktima nga nagbitay na sa lugar.

Gilayon kining gidala sa ospital apan gideklara kining dead on arrival.


Sumala ni Glen, ig-agaw sa biktima nga usa sa ilang gidudahan nga hinungdan sa pagkutlo sa biktima sa iyang kinabuhi mao ang gisalmutan niining fraternity. Pipila ka adlaw ayha nahitabo ang paghikog sa biktima namatikdan ni Glen ang pagping-it sa kasakit sa iyang ig-agaw gumikan sa mga lagum ug mga bun-og niini sa iyang sampot ug sa iyang likod nga bahin sa paa.

Gawas niana iyang namatikdan nga dawsa nalahi na ang lihok sa biktima apan wala matud pa siya magdahum nga musangko kini sa paghikog.

Sa karon ang patayng lawas sa biktima gidala na sa iyang pamilya didto sa Pigcawayan aron didto ipahiluna.

Facebook Comments