BACOLOD CITY – Padayon karon nga ginabulong sa ospital ang isa ka estudyante nga napaso sang koryente matapos nga ini ang na-utod sang nasangit sang isa ka truck sa area sang Cyber Center, Hernaez St., Bacolod City kahapon sang hapon.
Ang biktima ginkilala kay Jessabell Sabio, 17 anyos, residente sang Bangga Cory, Brgy. Taculing ciudad sang Bacolod.
Suno sa biktima nga may mga las 4:20 kahapon sang hapon, samtang ini siya ang nagalakat sa higad sang dalan upod ang iya mga classmates, may naglabay ang isa ka wingband truck kon diin nasangit ini sa linya sang koryente kag na-utod gid.
Pahayag sang biktima kag sang na-utod ang linya sang koryente, timing man sa ila paglabay gani ini siya ang naigo gid kag napaso ang iya guya kag kamot./dyHB BACOLOD
