Event organizer: Face-to-face grand events walay kalahian sa pag-abri sa sinehan ug paglusad og parties

30
Davao City – Nagtuo ang usa sa event organizer sa Kadayawan sa Dabaw nga mamahimong makalusad og engrandeng event nga face-to-face ang aktibidad karong panahona sama sa Kadayawan Festival.

Kini ang panglantaw ni Harold Quibete, Event Organizer nga taga Davao City atol sa interview sa Straight to the Point Weekend Edition sa DXDC RMN Davao.

Matud niini nga walay kalahian ang pagpahigayon og face-to-face activities sa usa ka Festival o ubang event sa pag adto sa sinehan, sa parties, sa palengke, ug uban pang aktibidad nga gina-adtuan karon sa mga tawo.

“Wala may kalainan kay kung mutan-aw og sine, ang sine gina-open naman, muadto og palengke, you meet people from different places, muadto sa party, ma meet ang mga tao, it’s just the same. Ang importante lang gyud as a viewer, you really have to be more responsible ug kinahanglan i-practice unsa ang dapat, mag mask, di magpataka og gunit sa mga tao kay it’s a mixture of different people…,” matud ni Quibete.

Gani giuyonan niini ang plano sa Local Government Unit of Davao nga maglusad og face-to-face nga activities sa nahisgutang festival karong Agosto apan sigurohon ang pagplastar sa minimum public health standard batok COVID.

RadyoMaN Renz Barbarona

Facebook Comments