Ex-barangay Kagawad sa Polomolok, South Cotabato, arestado sa buy-bust operation.

24

Arestado ang former barangay official sang Brgy. Palkan, Polomolok, South Cotabato sa ginpatigayon nga buy-bust operation sang gintingob nga pwersa sang PDEA Cotabato Provincial Office, PDEA South Cotabato Provincial Office kag Polomolok MPS alas 5:00 sang hapon, kahapon nga adlaw, Hunyo 11, 2021.
Ginkilala ang suspek kay Ricarte Sabalsa Verdeflor Jr., 57-anyos kag residente sang Purok 1, Brgy. Crossing Palkan, Polomolok, South Cotabato.
Ang suspek ang ginakabig nga target-listed drug personality nga namonitor na sa baligyaanay sang illegal drugs partikular na shabu nga ang mga customers ang nagaagi sa iya balay nga yara sa national highway.
Nakumpiskar sa operasyon ang pito ka sachets sang shabu, may kabug-aton nga more or less 0.9 gram kag nagakantidad sang P 6,120.00, P500.00 buy-bust money kag caliber .45 pistol nga kargado sang bala.
Kaso naman nga pagbayolar sa Section 5 kag 11, Article II sang RA 9165 kag RA 10591 ang ipasaka batok sa suspek.

Facebook Comments