Exclusive: Autopsy ug ballistic report sa Sapie double murder case gihuptan na sa SITG

Davao City – Gituki na sa Special Investigation Task Group (SITG) sa pagpanguna ni Davao City Police Office (DCPO) City Director Pol. Col. Kirby John Kraft, ang mga ebidensyang nakuha sa pagpatay sa magtiayong Atty. Sitti Gilda Mahinay-Sapie ug Muhaimin Sapie.

Sa eksklusibong interbyu sa DXDC RMN Davao, gibutyag ni Kraft, gipresenta na sa Regional Crime Laboratory Office (RCLO) XI ang resulta sa awtopsiya sa patay’ng lawas ni Atty. Sapie ug post mortem examination sa bana niining si Timmy Sapie atol sa unang case conference niadtong Miyerkules (Hulyo 21, 2021).

Matud ni Kraft nahibaw-an na usab ang armas nga gigamit sa gunman apan nihangyo kining dili una ipahibalo sa publiko tungod sa nagpadayong imbestigasyon.


Nakatutok ang SITG sa gihawirang mga kaso sa bangi sa yuta ug bikil sa abogada tali Board of Directors (BOD) sa subdivision.

“Hindi basta land dispute na simple iyon, malalaking land disputes ito. Meron kaming identified land dispute na hinahawakan nila. On the process pa tayo sa elimination doon,” matud ni Kraft.

Gitun-an sa SITG ang mga recorded streaming sa programa sa magtiayon diin aduna kiniy mga ginganlan nga mga indibidwal nga nanghulga kanila.

Gihuptan na sa SITG ang mga cctv footages lakip na ang footage nga nakakuha sa sakyanang giingong nisibat atol sa pagkahitabo sa krimen.

“Meron tayong mga cctv footages na pweding makatulong… Sinubmit namin iyon sa Cybercrime para ma-enhance nila iyong video,” matud ni Kraft.

RadyoMaN Aimee Guinita

Facebook Comments