TACLOBAN CITY – Ginbuno-buno ngan ginchop-chop han suspek an 32 anyos nga lalaki ha Purok Calachuche, Brgy. Dongon Maasin City, Leyte kasangkulop, November 6, 2017.
Sumala han Maasin City Police, ginkilala an biktima nga hi Alfie Fernandez Basa, may asawa, ngan residente ha nasabi nga lugar.
Ginkilala naman an suspek nga hi Joel Salva Fernandez, 33 anyos, waray asawa, waray trabaho ngan residente ha Purok Calachuche, Brgy. Bato I ha Maasin City.
Ha inisyal nga imbistigasyon han mga otoridad, kitchen knife an gingamit han suspek, ginchopchop nga baga hin karne nga hayop ngan gin utod pa an ulo hini. Matapos buhaton an krimen, kumalagiw an suspek tipakadto ha ira panimalay gamit an iya single nga motor dara an iya bag nga puno hin presko nga dugo. Nabaruan han Maasin City Police nga an chinopchop nga parte hin lawas han biktima in iginlubong ha ira panimalay.
Dayon nga naaresto an suspek ha iya ginbuhat nga krimen.
Nabaruan pa nga nagkamayada anay away an duduha antis buhatan han suspek an mao krimen.
Maatubang hin kaangayan nga kaso an suspek.
