Jaun na sa kostudiya kuman nan CIDG SDN an gidakop na Mayor sa lungsod nan Tubajon sakop sa probinsya nan Dinagat na si Mayor Romeo Constantino Vargas sanan si Basilisa SB Member Norlito Ticod tungod sa alegasyon na paghupot nan mgà armas na wayay lisensya . Sa exclusibong interview nan RMN DXRS kay CIDG SDN PInspector Rey Gallego ini mibutyag na gikatakda na mag atubang nan kaso sa paglapas nan RA10591 o Comprehensive Firearms and Ammunition Regulation Act an duha ka opisyal. Dugang pa ni Gallego na giserve nila an warrant of arrest kagaina sajo sa kaadlawon alas dose y media Marso 23,2019 sa panimayay ni Mayor Vargas samtang kay SB Member Ticod alas 630 sajo kagaina buntag,ini human sa ila pagpaniid o pagmonitor suyod sa isa ka adlaw. Nakuhaan an duha nan nagkalain laing armas lakip na bala . Nagdumili isab sa paghatag nan pamahayag si Mayor Vargas sa did on na gipaningkamotan nan RMN DXRS an pagkuha unta sa ija habig sajo kuman gabii didto sà opisina nan CIDG , sumaya pa nan Mayor na an ija abogado na lamang an mohatag nan pamahayag . Nahibaw-an isab sa RMN DXRS na ini an gikatakda mosang at nan hangyo sa korte para makapyansa. ( RadyoMaN Jerson Fuentes)
