Explosion na casa del Kagawad

38

Ta continua pa hasta ahora el investigacion del pulis sobre el explosion ya sosede na casa del un kagawad del Tagasilay, madrogada del a-primero del año.
El incidente ya ocuri na casa di kagawad Henry Gregorio y Arcillas.
Nohay man quien ya sale irido durante el incidente pero ya destrosa el entrada parte del casa por el fuersa del rebentada.
Serca man alas 3 del aga cuando ta descansa el familia di Gregorio cuando derepente ya lang ya rebenta el explosive y crea este susto canila.
Destrosao el entrada porcion del residencia porcausa con el fuersa.
Asegun con el maga pulis y maga experto na explosiva, possible ya siembra con el explosiva abaho del casa y ya hace rebenta.
Perso asegun un semana ya pasa tiene asegun un persona ya anda na casa del familia Gregorio y ta saca informacion aserca conele pero dayun dao este ya sale muntando su motorsiclo.
Este maga tiempo ta precura pa sabe el maga pulis si quien gayot el tiene agravio con el official del barangay.

Facebook Comments

From Advertisers