Extension sa Bagyong Quinta, maka-apekto sa Northern Mindanao karong adlawa

37

Maka-apekto sa Amihanang Mindanao karong adlawa (October 26, 2020) ang trough o extension sa Bagyong Qunita nga kasamtang naka-apekto sa Luzon.

Sa interview sa RMN Malaybalay ngadto kang Weather Forecaster Davy Flores, sa Pagasa Regional Weather Bureau – Northern Mindaao, gibutyag niini nga ang extension sa mao bagyong Quinta ang naka-apekto sa rehiyon 10 ug ubang pang dapit sa Mindanao nga magresulta sa madag-umon nga kalangitan hangtod na sa katag-katag nga pagbundak sa ulan.


Nagpahimangno usab ang Pagasa sa posibleng pagbaha ug landslide tungod sa pag-ulan. Gipasabot usab ni Flores nga ang epekto sa La Nina mao ang kasagarang pag-ulan ug pagdaghan sa bagyo nga musulod sa PAR.

Kasagaran nga masinatian sa Disyembre ang peak sa La Nina.

Sa karon, 17 na ka bagyo ang nisulod sa PAR karong tuiga. Lauman ang 2 hangtod 3 ka bagyo sa Nobyembre samtang 1 hangtod 2 ka bagyo ang lauman sa Disyembre.

Nasayran nga nag-average sa 20 ka bagyo ang musulod sa PAR kada tuig.




Facebook Comments