Extension sang tax relief sa mga delinquent taxpayers sa Bacolod, ginkunsiderar sang city government

18

Ginakonsiderar sang city government ang pag-extend sang ginahatag nga relief sa mga delinquent taxpayers paagi sa City Ordinance 936.

Suno kay Mayor Evelio Leonardia, posible ang extension bangud wala pa natapos ang pandemic. Nahibaluan nga sa idalom sang CO 936, kun nagbayad sang full ang taxpayer halin Oktubre tubtob Disyembre 2020, 100 porsyento ang condonation sa interest kag surcharge samtang kun sugod naman sini nga Enero tubtob Marso 2021, 50 porsyento na lang ang condonation.


Aminado ang alkalde nga dako ang nabulig sang CO 936, bangud kapin sa P100 million pa ang nakolekta sa mga delinquent taxpayers. Ginakalipay naman ni Mayor Bing nga apisar sang pandemic, kapin 8 porsyento lang ang nabuhin sa business registrations sang 2020. Kapin sa 2,000 ang nabuhin sang 2020 sa narekord nga 25, 673 nga business sang 2019.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments