Face mask sulod sa balay gisugyot ni Mayor Sara

20

Davao City – Girekomenda karon ni Davao City Mayor Sara Duterte-Carpio ang pagsuot og face mask bisan sa sulod sa balay aron malikayan ang takod hatud sa Coronavirus Disease 2019 (COVID-19).

Giluwatan sa alkalde (sa interbyu sa city-owned radio) nga kini tungod sa pagsaka sa household transmission sa COVID-19 cases dinhi sa dakbayan sa Davao diin matud sa Davao City COVID-19 Task Force, kung sauna pipila lamang ang magpositibo sa usa ka balay, karon aduna nay magpositibo nga usa ka pamilya.


“Makita nato na data dinha sa COVID-19 TF (Task Force) ang kapaspas sa (COVID-19) transmission sulod sa balay. So, ang akong pinakama-advise sa inyoha is start wearing your (face) mask inside your houses,” segun sa alkalde.

Padayong gipahinumdom ni Duterte-Carpio ang pagseryoso sa COVID-19 pinaagi sa pagpabakuna isip proteksyon sa virus ug pagpondo lamang sa balay kung walay importanteng lakaw.

Kinahanglan usab nga istriktong sundon ang uban pang guidelines ilawom sa ginapatumang quarantine classification gikan sa Inter-Agency Task Force (IATF) alang sa Local Government Unit (LGU).

RadyoMaN Kirby Manzon



Facebook Comments