Face-to-face campaign sa COVID vaccination epektibo

25

Davao City – Nakita karon ni Davao City Councilor, Dr. Mary Joselle Villafuerte nga dako og kahimuan ang personal nga pagpasabot sa publiko labot sa Coronavirus Disease 2019 (COVID-19) vaccination program partikular na dinhi sa syudad sa Davao.

Sa interbyu sa city-owned radio sa opisyal, gibutyag niini nga mas maayo kung personal nga mapasabot sa mga residente ang impormasyon labot sa pagpabakuna aron gilayong matubag kung aduna silay nga kalibog o mga pangutana.


“Kung maulaw gyud sila, after the meeting, they can approach you (barangay health workers) personally, then they ask you questions personally that are personal in nature (about vaccine). So, gwapo gyud and very effective kadtong muadto gyud nga face-to-face,” saysay ni Villafuerte.

Matud sa konsehala, samtang nagapahigayon og simulation exercises sa COVID-19 vaccination, kinahanglang mapakusgan usab ang kampanya sa pag edukar sa Davaoeños labot sa bakuna labi na nga aduna nay vaccines nga gilaumang muabot sa syudad.

Dugang sa opisyal, kinahanglang masayran mismo gikan sa mga residente ang hinungdan nganong nagaduha-duha o naga dumili kini sa pagpabakuna ug aron mas mapasabot kanila ang rason ug maayong benepisyo sa vaccination.

RadyoMaN Kirby Manzon




Facebook Comments