Kalibo, Aklan — Padayon makaron rong ginapatigayon nga imbestigasyon it Balete MPS matapos nga ma hacked ro andang facebook account nga Balete Pnp Taga Protekta.
Suno kay SPO4 Cyril dela Torre rong Deputy Chief of Police it Balete MPS nga ko Enero 2 ra nanda napan-uhan nga na-hacked ro ang facebook kat ginbayluhan ro profile picture it sangka babaye nga kitaon ra anang dughan ag naka panty eamang.
Gintinguhaan nanda nga marecover rong andang account ugaling medyo malisod rason nga nag ubra eon lang sanda it bag-ong account.
Samtang naga hinyo man rong Balete MPS sa mga friends, followers ag netizens nga indi sanda paghusgahan bangud nga anda eon raya nga igapa cyber crime agod nga matun-an kung sin-o rong may kahimuan.
Facebook Comments
