‘Family Planning’ gidasonan

26

Davao City – Planohon una ang kinabuhi ilabi na kung buot na magpamilya ang usa ka managtiayon.

Kini maoy unod sa mensahe ni Davao City Mayor Sara Duterte-Carpio pinaagi ni Councilor Avegayle Ortiz-Omalza, Women and Children Family relations head, atol sa 26th National Children’s Month kick-off ceremony karong adlaw.

Gitataw ni Omalza nga angay padak-on og tarong ang mga bata pinaagi sa paghatag og tarong nga edukasyon ingon man pakaonon og tarong subay sa tema karong tuiga nga “Isulong: Tamang Pag-aaruga Para sa Lahat ng Bata!”

Segun ni Omalza nga kanunay na ang suporta sa lokal nga panggamhanan ngadto sa kababayen-an pinaagi sa pagpanghatag og hygiene kits lakip na sab mga children kits.

Samtang human sa opening ceremony, nagpahigayon og motorcade ang LGUs, daycare centers, barangay council ug uban pa sugod sa Rizal Park paingon sa Peoples Park kun asa ipasundayag sa mga bata ilang mga talento gikan sa 40 ka mga barangays dinhi sa syudad.

Dugang niini pipila sab ka mga aktibidad ang nakalinya subay sa maong selebrasyon sama sa Barangay One Day Children Congress karong Nobyembre 5-15, one day consultation with stakeholders on Children Healthcare sa Nobyembre 21-22, Larong Pinoy sa Nobyembre 22-24 ug ang Search for the Most Child-Friendly Barangay dinhi sa syudad sa Davao.

RadyoMaN Jason Amisola

Facebook Comments