Family planning panghingusgan

Davao City – Gihisgutan sa Philippine Obstetrical and Gynecological Society (POGS) Southern Mindanao ang importansya sa family planning.

Sumala ni Dr. Gina Alvarez, (POGS) Southern Mindanao RH community chair atol sa interview kaniya ni RadyoMaN Misel Miral sa tulumanong Serbisyong Straight to the Point sa DXDC 621 RMN Davao, gipasabot niini nga dili sa ihap sa mga anak mag base ang maong pagplano apan sa pangutanang og makaya ba sila amumahon sama sa paghatag og edukasyon, igong pagkaon ug uban pang angay nga madawat nga pag-amuma sa mga anak.

Gipunto sa doktora nga ang family planning usa ka responsible parenthood gani iya usab gitataw nga ang babaye maoy mudesisyon og pila ka anak ang gusto ilabi na nga sila ang magsabak niini.


“Even if the husband will not agree unya ikaw di na gusto manganak, it is a woman’s decision…ang family planning depende sa motivation sa babae,” sigun ni Dr. Alvarez.

Ang maong hisgutanan subay sa giselebrar karong bulana sa Department of Health on Population nga Family Planning Month 2018 nga adunay temang: “Pamilyang Planado, Panalo!”

RadyoMaN Renz Barbarona

Facebook Comments