General Santos City—Padayon karon ang gihimong imbistigasyon sa Tupi Municipal Police Station kalabutan sa pagpamusil sa farm manager sa Eden Flower Farm nga nahimutang sa Barangay Limblesong Tupi, South Cotabato nga si Jeffrey Calanao, hingkod ang pang-edaron ug residenti sa syudad sa General Santos.
Subay sa inisyal nga imbistigasyon sa kapulisan nga alas 5:00pasado ang takna kagahapong adlawa samtang sakay ang biktima sa iyang sakyanan padulong sa usa pa nila ka farm pag abot sa tunga tunga sa pinyahan nga sakop sa barangay Kablon Tupi, kalit lang kining gipusil sa wala mailhing mga suspek pila ka higayon nga nahimong hinungdan sa iyang kamatayon.
Wala na nadala pa sa ospital ang biktima human nakabsan gilayon kini sa iyang kinabuhi. Sa karon wala pa masuta unsay motibo sa kamatayon sa nasnagpit nga biktima.
