FDA, nag abiso ha publiko nga diri na pumalit hin bauma katol

568

Pag damo hin lamok pag nakaturog kita hiton gab-i paborito naton nga gamiton iton katol o kun mosquito coil.

Pag napalit kita ha mga tindahan, napili pa kita hin brand nga aton gagamiton, an Bauma katol.

Yana, abiso han Food and Drug Administration o kun FDA , likayan na an pagpalit han Bauma katol.

Sumala kan Eugenia Castillote, FDA Licensing Officer 3, ginbawi na an registration han bauma ha ira buhatan kay delikado ini ha panlawas hiton tawo.
Ha Annual monitoring han FDA nga gindumara dida la ha nakalabay nga bulan, nagtitikakusog an epekto han poison hini nga produkto.

“it’s dangerous, ayaw na naton hulton nga magkasakit pa kita”

Yana, padayon an pagkompiska han Regulatory Enforcement Unit han FDA hini nga klase nga mosquito coil.

Nagdudumara na hira hin operation ha source mismo hini nga bauma para diri na ini makapambaligya pa ha mga tindahan
Abiso han FDA ha mga konsumer, diri na pumalit hin bauma katol ha bis diin nga tindahan mapa Supermarket, Grocery store ngan Sari-sari store.




Facebook Comments