Federalism, Con Ass ug BBL mosila-ob pa

Davao City – Sa mosunod nga mga adlaw ubos sa 17th Congress of the Philippines, cierto gayud nga mo-sentro ang deliberasyon sa balay-balauranan sa wala pa maresolba nga dagkung mga isyu: Federalism, charter change via Constituent Assembly kun Con Ass, Bangsamoro Basic Law ug uban pa.

Sa programang ‘Straight to the Point’ kaganina, gipaaambit ni Prof. Ramon Beleno III sa Department of Political Science and History sa Ateneo de Davao University (ADDU) ang iyang kaugalingong analysis sa mga possible scenarios sa natad sa pulitika.

Matud ni Beleno, daku nga pahat sa panahon sa nasudnong lehislatura malagmit mahan-ok diha sa gikasugyot nga constitutional amendment saron ipahimutang ang bag-ong porma sa panggobyerno nga mao ang federal-presidential nga magtunol ug mas halapad nga awtonomiya sa taga-Midnanao.


Nangagpas usab ang academician nga init usab nga diskusyon ang Con Ass sanglit siya mismo ingon man ang kadaghanan sa katawhan buot nga ang pag-usab sa 1987 Philippine Constitution ipaagi sa Constitutional Convention kun ConCon inay nga Con Ass ug labaw nang dili pinaagi sa sistemang gitawag ug Peoples Initiative.

Lain pang punto-hisgotanan nga mag-okupar sa enerhiya ug panahon sa atong mga magbabalaud mao ang pagpasar sa Organic Law nga magpabarug sa bag-ong Bangsamoro Autonomous Region hulip sa presenteng Autonomous Region in Muslim Mindanao (ARRM).

Hinoon, gipasalig ni Beleno nga walay angay kabalak-an ang mga kritiko sa BBL sanglit dili kini recipe alang sa ‘separatism or declaration of independence’ kon dili, pagpursigi ug pagtuman lamang kini sa taudtaud nang pangandoy sa mga Mindanaoans alang sa ‘right to self-determination.’

RadyoMaN June Duterte

Facebook Comments