Labihang kakurat ug kahadlok ang gibati sa usa ka janitress dihang nakita niini ang usa ka fetus sa basurahan alas 7 kapin kun kulang ang takna sa buntag kagahapong adlawa.
Sumala ni Tata Timba, ang janitress sa Elarde Boarding house duol sa Adventist Medical Center College, nga samtang siya gasegregate sa basura, nakita niya ang maong fetus, nga giputos sa cellophane nga itom ug gisulod sa karton.
Gibana-banang anaa sa duha o tulo ka bulan ang maong fetus nga nakita.
Dali niya kining gi report sa kapulisan nga gilayon usab nga miresponde.
Sa karon ang maong fetus gidala sa usa sa mga funeral parlor ning dakbayan samtang padayon ang imbestigasyon sa kapulisan kung kinsa ang mihimo sa paglabay sa iyang anak sa basurahan.
| | Virus-free. www.avast.com |
