Tukuran, Zamboanga del SUr – Nakadawat una og panalangin ayha gipahiluna sa Tukuran Public Cemetery ang lima ngadto sa unom ka bulan nga fetus human kining napalgan 1:10 kagahapon sa hapon sa Purok Roxas, Barangay Curvada, Zamboanga del Sur.
Ang mga opesyal sa Barangay Curvada, Tukuran nga gipangunahan ni Gaudencio Sejas Jr. naglusad na karon sa makuting imbestigasyon aron masuta kun residente ba sa ilang lugar ang nihimo sa paglabay sa patay nga fetus nga batang babaye.
Ang unborn fetus nga nakit-an nagbuy-od nga tupad sa iyang inunlan.
Nakig-alayon usab sila Tukuran Municipal Police Station aron mahatud sa Rural Health Unit ang fetus pinaagi sa pagsuta ni Dr. Charity Navarro Vega RHU Tukuran.
Hangtud niining panahona wala pay inahan nga mipatim-aw sa barangay busa nag-handom nalang ang mga lumulupyo sa lugar nga mobati og konsensya ang pamilya sa fetus.
