Feudalism wala na nagakatabo sa probinsya

141

NEGROS OCCIDENTAL – Wala sang ‘feudalism’ sa Negros Occidental.

Ini sa karon ang giapanindugan ni Gov. Alfredo Marañon Jr. bilang reaksyon sa nangin pahayag ni Pangulong Rodrigo Duterte nga iya igapahamtang ang probinsya sang Negros Occidental sa land reform agud mahatagan sabat ang nagakatabo nga feudalism sa probinsya.


Suno kay Governor Marañon nga napaidalum na sadto sa land reform ang probinsya.

Suno naman kay Vice-Governor Eugenio Jose Lacson nga dapat man ini klaruhon ni Presidente Duterte ang ginasiling nga land reform bangod halin pa sadto nga tagtaganay sang duta ang nagakatabo sa Negros.

Madumduman nga nagpagwa sang statement ang pangulo isa ka adlaw pagkatapos natabo ang Sagay 9 massacre halos isa ka bulan na ang nakaligad sa Brgy. Bulanon, Sagay City.

Sa iya statement, ginsiling sang presidente nga may nabaton siya nga report nga ginasakyan sang rebelde ang natabo agud nga mag organize sang mga mangungma kag maagaw ang mga duta./dyHB BACOLOD

Facebook Comments

From Advertisers