Financial assistance ginpasalig sang mayor sa mga nasunugan nga pamilya sa Victorias City

VICTORIAS CITY, NEGROS OCCIDENTAL  –  Gintupok sang kalayo ang siyam tanan ka mga balay samtang apat ang partially gutted sa natabo nga sunog kahapon sang hapon sa Purok Pinanubol, Brgy. 6 sang amo nga ciudad.

Ginpahayag nga naghalin ang kalayo sa balay ni Elvie Esparagosa kon diin madasig ini nga naglaton sa kaiping nga mga pamalay.

Napilasan sa amo nga insidente si Gloria Tang matapos nga ini siya ang naglumpat sa bintana sang ila balay kag nagtupa sa isa ka matalum nga bagay.

Ginasiling nga ang paghampang sang pospro sang mga kabataan amo ang gintunaan sang pagtuhaw sang sunog.

Angut sini, ginpasalig ni Victorias City Mayor Francis Frederick Palanca nga magahatag sang tag 10 mil pesos nga cash assistance ang  city government sang Victorias sa mga nahalitan sang amo nga sunog./dyHB BACOLOD

 


image1.JPG


Sent from my iPhone

Facebook Comments