Ihatag sa gobyerno ngadto sa mga residente sa Marawi City ang financial assistance nga una nang gisaad ngadto kanila bisan pa man nga mobalik na sila ngadto sa ilang matag pinuy-anan.
Apan gitin-aw ni Housing Assistant Secretary Felix Castro, J r., field office manager sa Task Force Bangon Marawi, nga wala’y gitakdang petsa kung kanus-a kini mahatag.
Gi-finalize pa ang listahan sa mga benepisyaryo ug nagpadayon pa sa pagkuha ang mga hintungdang ahensiya sa mga pangalan ug kung pila tanan ang angayang hatagan.
Giklaro usab ni Castro nga dili pa final ang kantidad nga 50 mil ngadto na sa 70 mil pesos nga ihatag tungod kay mag-depende kini, matud pa, sa ‘availability of funds’.
Apan bisan paman nga naka-uli na ngadto sa ilang tagsa-tagsa ka mga pinuy-anan ang mga benepisyaryo, kung mogawas na ang pondo alang niini, kontakon sila aron kini mahatag ngadto kanila.
