Davao City – Gipahugtan sa kapulisan ang pagpatuman sa Executive Order 28 kun pag-regulate ug pagkontrol sa paggamit ug mga firecrackers ug uban pang Pyrotechnic Devices karong panahon sa kapaskuhan.
Sumala ni Regional Chief – Civil Security Unit PSupt. Cydric Tamayo nga dako ang tahas kanila sa Local Government Unit (LGU) gumikan sila ang responsable sa pag-establisar sa mga Community Fireworks Area.
Dugang ni Tamayo na ang mga maong paboto didto lang pud usab pabothon sa mga gi-designate nga mga lugar nga identipika sa LGU samtang pwede dalahon ang mapalit nga pailaw sa mga panimalay.
Samtang gidili usab nila ang pagpa-agi sa mga firecrackers sa Dakbayan subay sa pag implementar sa firecraker ban sama nalang sa mga posibleng iagi nga mga pabuto gikan sa kasikbit nga rehiyon diin kini hugot nga idili.
Gibutyag usab sa hepe nga dunay i-implementar nga Executive Order 31, mao ang pagdili sa pagdawat og mga bag-ong aplikante nga maninda og paboto aron usab makunhuran ang ihap sa mga nagabaligya niini.
Busa gipanghinaut karon nga sundon sa tanan ang mga sa nasangpit nga ordinansa aron usab mahimong hapsay ang pagselebrar sa kapaskuhan.
Virgil James Claud, HCDC intern
