First Regional Joint Security Command Conference nahinayon

Davao City – Nagtagbo ang Commission on Elections Davao Region (COMELEC-XI), PNP, AFP ug Department of Education (DEPED) officials Enero 10 adlawa atol sa 1st Regional Coordinating Conference sulod sa kampo sa Police Regional Office 11 (PRO-XI).

Sumala ni COMELEC-XI spokesperson Atty. Krisna Samantha Caballero atol sa interbyu sa RMN Davao nga kini silbing pagpangandam para makab-ot ang gitinguhang luwas, patas ug hapsay nga May 13, 2019 nga eleskyon dinhi sa Davao Region.

Karong Enero 13, 2019 adlaw’ng Dominggo magsugod na ang election period.


Matud ni Caballero ang matag ahensiya nipresenta sa ilahang mga reports sa ilahang mga areas of responsibility.

Lakip sa maong nahisgutan sa maong conference ang Calendar of Activities base sa Comelec Resolution 102496, reactivation sa regional joint security control center, COMELEC gun ban ug daghan pang mga balaod ug mga regulasyon sa piniliay.

Giimbitihan ni Caballero ang tanang mga kandidato nga musalmot sa Nationwide Simultaneous nga Unity Walk, Interfaith Prayer Rally ug Peace Covenant Signing karong Dominggo sa tagsa-tagsa nila ka mga lugar.

RadyoMaN Aimee Guinita

Facebook Comments