First trance sang wage hike para sa mga minimum wage earners sa rehiyon dosemag-epektibo na sa Pebrero 2.

20

Mag-epektibo na sa Pebrero 2 subong nga tuig ang first trance sang P25.00 daily pay hike para sa mga minimum wage earners ukon mga empleyado sa pribado nga kumpanya sa rehiyon dose.
Ini ang nangin pamahayag ni Department of Labor and Employment ukon DOLE 12 Regional Director Sisinio Cano kadungan sang ginpatigayon nga public hearing/consultation on Minimum Wage Adjustment for Domestic Workers kahapon nga adlaw.
Nahibaluan nga base sa desisyon sang Regional Tripartite Wages and Productivity Board ang first trance ang P15.00 kag ang second trance ang P10.00 nga mag-epektibo sa Mayo 1 subong nga tuig.
Suno kay RD Cano ini matapos nga gin-affirmed sang National Wages and Productivity Board Commission sang Enero 17 ang P25.00 daily pay hike para sa mga minimum wage earners sa rehiyon kag gilayon man nga ginpublished.
May-angot sini, sa Pebrero 2 ang sa non-agriculture sector makabaton na sang P326.00 daily wage, samtang sa agriculture/retail/service sector makabaton sang P305.00.

Facebook Comments