Subling nagsirado ang opisina sa Prosecutors Services dinhi sa rehiyon sa Caraga sugod niadtong Hunyo 19 gumikan sa krisis sa COVID 19 kung asa ang rehiyon gipaubos sa Modified General Community Quarantine ug Modified Enhanced Community Quarantine sa 33 ka mga barangay sa dakbayan sa Butuan. Pinasikad kini sa Regional Order No. 20-19 pinaagi ni Executive Judge Augustos Calo gimandoan niini ang Regional Prosecution Office, City Prosecution Office sa Butuan ug Provincial Prosecution Office sa Agusan del Norte nga magsirado sugod sa niaging adlawng Biernes ug mobalik ang operasyon sa Hulyo 3 ning tuiga. Tungod niini, suspendido ang preliminary investigations ug ubang mga frontline services sa Prosecution Office apan magpadayon gihapon ang inquest proceedings maong gimandoan usab ang mga inquest Prosecutors nga bakanti bisan unsang orasa.n
