Flying V gasoline stations dire sa Koronadal City ginpasarad-an sang BIR.

Ginpasarad-an sang Bureau of Internal Revenue ukon BIR 12 ang gasolinahan sang Flying V sa bahin kag Arellano Street dire sa syudad sang Koronadal kahapon nga adlaw kag iban pa sini nga branch.

Ang nasambit nga tikang sang ahensya ang kabahin sang ila nga “Oplan Kandado” batok sa mga pasaway nga mga kumpanya ukon taxpayers nga nagabayolar sa Section 115 sang RA 8424 ukon Tax Code of 1994.

Suno kay BIR District 111 Officer Noel Gonzales sang tuig 2017 pa nga ginwarningan ang nasambit nga oil company nga i-settle ang obligasyon partikular na ang pagdeklarar sang tama nga income ukon sales kag ang paghatag sang resibo sa mga customer.


Ginkumpirmar ni Gonzales nga nagalab-ot sa masobra P5 million ang balayran sa tax sang Flying V nationwide.

Ginsiguro niya man nga nag-agi sa proseso ang ginhimo nila nga pagkandado sa gasolinahan sang Flying V tungod nagpatigayon pa sila sang surveillance kag ginpadal-an sang notice.

Samtang sa tion nga masettle gilayon sang nasambit nga kumpanya ang obligasyon liwat sila nga makaoperate.

Nagalaum man siya nga warning naman ini sa iban nga mga taxpayers nga magtuman sa Tax Code of 1994.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments