Focused military ops gilusad batok sa most wanted NPA leader Eric casilao

147
Davao City – Gipakusgan pa sa kasundaluhan ang paggukod batok kang Mindanao Most Wanted New People’s Army (NPA) leader Eric Jun Casilao o alias Elian/Wally.

Sumala ni Captain Mark Tito spokesperson sa 10th Infantry Division Philippine Army, wala sila nihunong sa paglusad og intensified focused military operation ilabina sa area sa Davao de Oro batok kang Casilao hangtod sa ma-neutralisa nila kini.

Sa Joint Order of Reward Department of National Defense (DND) ug Department of Interior and Local Government (DILG) adunay patong sa ulo si Casilao nga P5.4 million.

Ang naasoy nga notorious CPP-NPA leader nag-atubang sa kasong kidnapping, serious illegal detention, ug two counts of murder.

Gibutyag ni Tito, huyang na ang pwersa sa NPA sa pagpanguna usab ni Casilao tungod kay wala nay masa nga nagsuporta kanila. Nanawagan si Tito sa publiko sa adunay inpormasyon o makatudlo sa nahimutangan sa nasangpit nga NPA leader.

“Kung kinsa man ang makatudlo sa iyaha nga mag-lead sa iyahang neutralization, naay madawat nga P5.4M gikan sa DND ug DILG joint order of reward,” matud niini.



Hugot usab nga gikondena 10th ID ang pag-unay og patay ni Casilao alias “Elian” sa kaubanan niining NPA rebel nga si Crispin Rollon alias “Jeffrey” sa Purok 8, Libuton, Barangay Andap, New Bataan, Davao de Oro niadtong April 2022.

RadyoMaN Aimee Guinita


<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments