FOLLOW-UP|Banang naghikog human gimatilyo ang asawa, takda nang dad-on sa Bacolod City

7

General Santos City—Gikatakda nang dad-on sa Bacolod City ang patayng lawas sa lalaking si Joel Elever nga taga KPS, Barangay Labangal, Gensan lumad nga taga Bacolod City kansa naghikog human nga iyang gimartilyo ang iyang asawa nga si Maricel niadtong Julyo 31, 2018.

Nasayran nga personal nahidangat sa Gensan ang mga kabanay sa nahisgutan gikan pa sa Bacolod aron nga kuhaon ang patayng lawas sa nasangpit aron dad-on didto sa ilang lugar.

Apan ayha ibyahe ang nasangpit, plano karon sa pamilya nga ipailawom una sa otopsiya ang patayng lawas ni Elever aron nga masuta kung walay foul play sa kamatayon niini.

Samtang nagpadayag usab ug kahiubos ang pamilya ni Elever ngadto kang Maricel gumikan sumala pa unta nagpaubos nalang aron nga wala misangko sa trahedya ang ilang pagpuyo.

Facebook Comments