General Santos City—hingpit nang nakabalik ngadto sa tagsa nila ka pinuy-anan ang mga residenting mihikling sa duha ka mga barangay nga mao ang Barangay Tokawal ug Barangay Alegria, Alabel Sarangani Province kansa una nang naapektuhan sa nahitabong engkwentro tali sa mga sundalo nga sakop sa Alpha Company ilawom sa 73rd Infantry Battalion, Philippine Army niadtong nakalabayng adlaw.
Sumala ni 1St Lt. Daryl Cansancio, ang commanding officer sa Alpha Company nga human nasigurong miikyas na sa layong dapit ang mga miyembro sa NPA nga ilang nakaengkwentro, ila nang gitugutan nga makabalik ngadto sa tagsa nila ka panimalay ang mga mihikling.
Kahinumduman nga nagpabilin usab ug pipila ka adlaw ang mga residenti ngadto sa ilang barangay hall human sa ilang paghikling diin sila giamuma usab sa ilang mga barangay Officials.
Samtang misaad ang militar nga dili na subling mubalik pa sa lugar ang mga miyembro sa NPA nga una na nilang nakaengkwentro gumikan ilang imonitor kanunay ang lihok sa mga nasangpit nga rebeldi.
