Food and medicine pass ipatuman ubos sa ECQ

Davao City – Samtang wala pa gipailawom sa Enhanced Community Quarantine ang Davao City gisugdan na ang pagpanghatag sa Food and Medicine kun FM Pass.

Matud ni Davao City Mayor Sara Duterte gamiton lang ang FM pass inig mag deklara na og ECQ ang syudad aron sa paglimita sa mga taong mugawas sa matag panimalay.

“In the proper time mag-announce mi sa tanan kung kanus-a ang Enhanced Community Quarantine. Sa pagkakaron naga-distribute lang ta og pass,” matud sa mayor.


Kini ang pass nga gamiton sa pagpalit og pagkaon ug tambal.

“Boarder renter 1 FM Pass, Single-family household 1 FM Pass, household with many families inside (multi-family household) 1 FM Pass per family,” segun sa alkalde.

Gamiton ang FM Pass inubanan sa valid id ug ubang mga dokumentos sama sa company IDs, passport ug uban pang government-issued IDs.

Dili kini transferrable ug dili pod baligya.

Lauman nga full force ang mga awtoridad sa pagbantay sa matag barangay nga matuman ang maong sistema.

Gitahasan ang Team Leader nga mga city councilors sa pag-deliver sa FM Pass ngadto sa mga kapitan sa barangay.

Ang kapitan ang mutunol sa FM Pass sa mga Purok Leaders ug ang Purok Leaders i-distribute kini kung mamahimo nga i-house house.

Kung dili posible ang house distribution, pweding mag inisyatibo ang purok leaders
og kaugalingong pamaagi sa pagtunol sa FM passes basta striktong matuman ang social distancing.

Sa mga Subdivisions ug Associations makuha ang mga FM passes sa ilahang mga purok leaders, kinahanglang maobserba usab ang no contact ug no mass gathering’ distribution scheme.

RadyoMaN Aimee Guinita

Facebook Comments