General Santos City–Pulos gipangdala sa balay tambalanan ang magtiayon nga sila si welyn Rodriguez ug Gisalo Rodriguez, taga Brgy Tambler ning syudad sa Gensan human matud pang nakakaon ug sud-an nga baligya sa usa ka karenderya sa J. Catolico Avenue ning syudad sa Gensan.
Sumala sa amahan sa biktima nga si Welyn, nagpalit ug sud-an nga iskabetsi ang iyang anak gikan sa usa ka karenderya ug dungan silang nangaon sa iyang bana.
Human ang pagpangaon unang nakasinati sa pagkahilo ang iyang bana apan wala magdugay sunod usab nga nakuyapan ang biktimang si Welyn hinungdan nga gipangdala sa ilang mga kaubanan ngadto sa ospital.
Hinuon sa karon luwas na sa kuyaw nga kahimtang ang managtiayon. (Jordan Britos)
Facebook Comments
