Food runner: Positive sa COVID rapid test

Davao City – Gikumpirma ni Davao City Mayor Sara Duterte-Carpio nga usa sa mga food runners nagpositibo sa gihimong COVID-19 rapid test.

Matud sa mayor nga gihulat pa ang RT-PCR kun confirmatory test sa usaka foodpanda driver.

“Duna tay nakita isa kabuok food runner nga nag positive. So gi-process na dayon siya for swabbing and sa quarantine facility nato,” butyag ni Duterte.


Walay rekomendasyon ang mga doktor nga temporaryong i-undang ang delivery services nunot sa maong insidente.

Gibutyag niini nga adunay ‘contact-less delivery’ nga ginahimo ang nasangpit nga food delivery services apan pahinumdom sa mayor sa mga nagapa-deliver nga kung mudawat man og mga butang gikan sa gawas sa mga balay, seguraduhon nga hugasan gilayon ang kamot silbing control measures aron usab malikayan ang pagpabilin sa virus sa mga butang nga gina-deliver.

RadyoMaN Aimee Guinita

Facebook Comments