Food safety dapat siguraduhon subong nga summer season

Nagpanugyan ang Department of Health (DOH) nga mangin mahinalungon agud indi mabiktima sang food poisoning subong nga summer season.

Subong nga tag-ilinit masami nga nagakatabu ang food borne infection nga kun mapabay-an makatalagam sa ikaayong lawas.

Suno sa World Health Organization (WHO) masiguro ang food safety kun siguraduhon ang katinlo sang pagkaon, separahon ang hilaw sa naluto na nga pagkaon kag lutuon sang husto ang mga pagkaon.


Siguraduhon man ara sa husto nga tempratura ang pagkaon kag maggamit sang matinlo nga tubig kag raw materials.

Sa ti-on naman nga may sintomas sang food poisoning kangay sang sakit sa tyan, paglingin sang ulo, pagsuka ukon diarrhoea magkonsulta gilayun sa doctor.

Facebook Comments