‘Forced evacuation’ kritikal vs disasters

Davao City – Dakong uyon ang Center for Disaster Preparedness Philippines nga magpatuman og ‘forced evacuation’ ang gobyerno diha sa mga lugar nga maigo og kalamidad sama sa bagyo ug uban pa.

Gipasabot ni CDPP Focal Person Malou Fellizar nga mahinungdanon ang pagsalbar sa daghang kinabuhi, busa ensakto lamang kung magpatuman og ‘forced evacuation’ ang kagamhanan panahon sa kalamidad.

Gani gipalanog pa ni Fellizar ang pagpahamtang og silot ngadto sa mga LGUs nga pakyas sa pagbutang og ‘buffer safe zone’ daplin sa kasapaan ug kabaybayunan nga posibling maghatud sa peligro sa kinabuhi sa mga tawo.


Gihingusgan niini nga angay usab knga laro sa katawhan ang evacuation venues ug unsa ka luwas ang pag-evacuar sa katawhan aron dili sila mabutang sa alanganin ug madisgrasya sa kalamidad.

Samtang dili pabor si Fellizar nga dakpon ang musupak sa ‘forced evacuation’ inay pinahan ug pasabton sa posibleng dangatan nila kung magmagahi sila sa paghiklin gikan sa ilang peligrosong nahimutangan.

RadyoMaN Joel Viray

Facebook Comments