Ford Everest gin-ambush, 2 pilason

SIPALAY CITY (DEVELOPING STORY) – Duwa ka persona ang pilason sang natabu nga ambush pasado alas-7 sini nga gab-e sa area sang Overflow, Barangay Maricalum, syudad sang Sipalay.

Ang mga biktima ang naga-sakay sa Ford Everest nga kolor silver.

Ini sila ang halin sa banwa sang Hinoba-an kag manugpa-uli na kuntani sa syudad sang Kabankalan.


Ang driver ang nakilala sa kay Jomar Garcia kag residente sang Barangay Magballo, Kabankalan City.

Si Garcia ang naka-angkon sang pilas sa iya kamot apang naka-angkon ini sang higayon nga makapalagyo kag naka-sakay sa habal-habal padulong sa Sipalay Infirmary.

Samtang, critial naman sang na-abtan sang Sipalay Rescue ang lalaki nga yara naga-sakay sa passenger side sang Ford Everest.

May yara ini sang dala nga wallet apang wala sang bisan isa ka identification card.

Ang biktima ang naga-edad sang 30 tubtob 40 anyus kag yara sa kritikal sitwasyon sang gin-respondehan sang Sipalay Rescue.

Sa inisyal nga report sang mga otoridad sa Sipalay, nga manugbalik na sa Kanbakalan ang mga biktima gikan sa banwa sang Hinoba-an sang natabu ang pagpang-luthang sa ila.

Nakibot naman ang mga katapo sang Sipalay Rescue, bangud sang ila ma-interview ang driver nga si Jomar Garcia, ginpahayag sini nga indi sila kilalahay sang iya pasahero kag ‘MEG’ gid lamang ang ila tawganay samtang naga-byahe sila nga duwa.

Wala pa sang impormasyon kon ano ang motibo sang krimen kag kon sino ang mga suspek.

Facebook Comments