Foreigner, nagpakamatay ha Tacloban

TACLOBAN CITY – Nagpakamatay an usa nga foreign national ha sakob mismo han iya panimalay ha Brgy. 74 San Gerardo Heights, Tacloban City, kakulop Jan 9, 2019.

Basi ha report han Tacloban City Police Office Station 2-Abucay, ginkilala an biktima nga hi Paul Hope, 46 anyos, usa nga chef ngan taga Maidstone, Kent, England.

Sumala kan PSInsp. Edwin Canamaque, Tacloban PNP Station 2-Abucay Commander, problemado ha kwarta an biktima tungod nga naubos an financial savings nira nga mag-asawa.


Naghikog an biktima ngada hin maubusan hiya hin ginhawa.

Ha nakuha naman nga impormasyon han rmn, usa pala katuig nga nag-uukoy an biktima ha Tacloban.

Padayon naman an ginbubuhat nga imbistigasyon han mga otoridad.

Facebook Comments