Former Capiz Governor Vicente Bermejo, magapangatubang sang kaso nga paglapas sa Anti-Graft and Corrupt Practices Act suno sa Ombudsman

Roxas City, Capiz – Ginrekomendar sang Omubdsman nga pasakaan sang kaso nga paglapas sa Section 3(e) sang Anti-Graft and Corrupt Practices Act si former Capiz Governor Vicente “Vic” Bermejo matapos nga gin aprobahan sini ang pagbakal sang apat ka mga salakyan nga nagabalor 1.95 million pesos sang tuig 2007 pinaagi sa public auction.
Nakit-an sang Ombudmasn nga may yara sang probable cause agud nga kasuhan ang anay gobernador. Base sa resolution sang Ombudsman, ang mga dokumento nagikan sa COA ang nagpakita nga ang tseke ang ginbayad sa ngalan ni Bermejo bilang reimbursement samtang ang record naman nagikan sa LTFRB ang nagapakita nga nakapangalan sa Roxas City Government ang amo nga mga salakyan.
Nakapagkit man sa resolusyon sang Ombudsman nga ginlapas ni Bermejo ang Government Procurement Reform Act nga naga require sang public bidding sa pagbakal sang nasambit nga mga salakyan bangud wala sang invitation to bid nga ginpaguha sa PhilGEPS website agud magbakal sang apat ka mga salakyan ang probinsiya.
Suno pa gid sa imbestigasyon nga ginbakal ni Bermejo ang mga salakyan pinaagi sa pagpasakop kag nagdaog bilang highest bidder sa isa ka public auction nga ginpatigayon sang Phil-Pan Subic Ventures, Inc.
Napaslawan naman sa pagsubmiter sang counter affidavit si Bermejo samtang ginapatigayon pa ang imbestigasyon. Kaso nga paglapas sa Section 3(e) sang Anti-Graft and Corrupt Practices Act (Republic Act No. 3019) ang paga-atubangon sang anay gobernador.
“Bermejo as the approving authority of the purchases being the head of the procuring entity, acted with evident bad faith in purchasing the vehicles without a public bidding but through a public auction. Respondent ought to know the basic provisions of R.A. No. 9184 which require procurement to undergo either competitive bidding or any of the alternative modes and to implement the law to the letter. Yet, respondent utterly disregarded these established rules,” suno kay Morales.

Facebook Comments