Former Congressman Monico handa nga atubangon ang kaso nga ipasaka kontra sa iya sang kampo ni Mayor Bing

BACOLOD CITY – Nagpahayag sang kahandaan si anay Mayor Monico Puentevella nga atubangon ang anoman nga kaso nga plano ipasaka batuk sa iya ni Mayor Evelio Bing Leonardia.

Ini ang reaksyon sang anay alkalde sa ginpahayag damlag pa ni City Legal Officer Atty. Joselito Bayatan nga ginatun-an nila ang pagpasaka sang kaso criminal batuk kay Puentevella.

Angut ini sa gina-akusar sang kampo ni Mayor Bing nga gin-alter sang grupo ni Monico ang isa ka video clip ni Pangulong Rodrigo Duterte sa pagbisita sini sa Victorias City sang Marso 8.


Suno kay Monico nga handa siya nga atubangon ang reklamo dala sa pag acknowledge nga may kinamatarung ang mga complainant nga magfile charges bangud suno sa iya “this is a free country.”/DYHB NEWSROOM

Facebook Comments