Naga balor sang US$3.9 million ang nakumpiskar nga cocaine sang Indian authorities sa isa ka pinay sang lunes , Enero 1,2018 sa Cochin International Airport halin sa Brazil.
Base sa balita nga nabalhag sa Asia Times , ginkilala ang pinay kay Jonna De Torres, 36 anyos kg nahibaluan naga ubra sadtu bilang domestic helper sa HK antis nag kadtu sa Sao Paolo Brazil kg Muscat.
Nag lab ut sa 4.7 kilograms nga cocaine ang nakumpiskar kay Torres kg may street value sa India nga 250 million ruppees. Magapadulong kon tani ang Pinay sa Kerala India sang gin aresto sang otoridad.
Base sa pahayag sang Indian Narcotics Control Bureau (NCB), una nga nag bisita si Torres sa Brazil sang 2015 kg nag tinir ini sang 5 ka adlaw sini nga Disyembre antis magpadulong sa Kochi,India.
Sa interogasyon sang NCB ,gin aku ni Torres nga US$4,000 ang bayad sa iya agud mag smuggle sang nasambit nga druga sa India.
Base sa balita sang The New Indian Express, gin tuad man ni Torres sa NCB nga nangin drug mule man sya sa pila pa ka pag smuggle sang druga sa iban nga pungsod . Gamit ni Torres ang Philippine passport nga gin isyu sang 2013 kon sa diin nag ubra ini sa Hong Kong bilang domestic Helper.
Maga pabilin sa kustodiya sang NCB si Torres samtang naga hulat sang iya hearing.
Sa pahayag sang NCB, ika tatlo na ini nga kaso sang drug smuggling sa sulod sang 2 ka bulan kon sa diin pareho nga ang origin sang druga halin sa Sao Paolo.
Sa India, kon sin o man ang mapa matud an guilty sang drug tracfficking maga panga tubang sang maximum penalty nga 200,000 rupees kg 20 anyos nga pag ka priso.
