*Tanjay City, Negros Oriental *- Patay ang anay katapo sg Philippine National police nga si Rey Antonio Saga, residente sang Brgy 3, Tanjay City, Negros Oriental, matapos ini ang magbato sa mga otoridad sa ginpatigayon nga buy-bust operation.
Las 2:50 ang takna sang aga sang ginlunsar ang amo nga pagbuybust sang joint operatives sang Provincial Police Drug Enforcement Unit sa pagpanguna ni PSInsp. Don Richmond Conag kag PDEA batok sa anay police officer nga suspek sa Sitio Matangad, Brgy. San Jose, Tanjay City.
Apang sang makamutik ang amo nga suspek ini ang gilayon nga nagpadalagan sang iya motorsiklo nga ginlagas naman sang mga otoridad.
Nagpalupok sang armas luthang ang amo nga suspek, rason nga ini ang ginluthang sang mga otoridad nga gintunaan naman sang iya hinali nga kamatayon.
Narecover sang mga otoridad halin sa possession sang suspek ang isa ka .38 caliber revolver, isa ka empty shell, kag 3 ka live ammunitions, lakip na ang 11 ka gramo sang suspected shabu nga may market value nga P165 mil ka pesos.
Ang suspek ang ginakabig nga high value target sang double barrel reloaded sang Philippine National Police.
