Former PTA President ug gwardya sa tunghaan sikop sa drug operation

203

General Santos City—sikop sa operatiba sa City Drug Enforcement Unit (CDEU) ang usa ka kanhing PTA president,  kasamtangang gwardya ug care taker sa Banisil, Elementary School sa gihimong drug operation sa may Barangay Tambler, General Santos City.


Ang suspek nailhang si Narciso Balleras, 53, residenti sa Prk. Manisan, Tambler. Niadtong Myerkules, March 29, 2017 gihimo ang operasyon sa panimalay sa suspek sa may Prk. Manisan nga miresulta sa pagkasikop niini human nakuhaan ug (22) ka sachet sa gikatahapang shabu ug (1) ka unit sa Cal. 22 revolver.


Nakasibat usab ang usa pa ka target sa CDEU nga si Nasser Masalon  residente sa maong lugar human nga nakamatikod nga pulis ang iyang nakatransaksyon.


Sumala ni Police Sr. Inspector Oliver Pauya, hepe sa CDEU nga si Balleras ang may supplier ug shabu ni Masalon ug gikonsiderang big time pusher sa ilang lugar.


Kasong paglapas sa RA 9165 ang atubangon sa suspek nga gwardya samtang samang kaso usabang atubangon sa suspek nga si Masalon kansa nakasibat.




Rose Sioco, Rmn Gensan, Inah Daven, Bryan Oñate

Facebook Comments