Former Punong Barangay kag Tanod member sa Mangoso, Sigma, patay matapos nga maggubat sa kaingud balay!

16

Sigma, Capiz – Duha ang patay samtang isa man ang malubha nga pilason sa lab- anay kag bun- anay nga natabu sa Purok 5, Barangay Mangoso banwa sang Sigma.
Ginkilala ang napatay nga amu sanday Isidro Jeroso Sr. y Francisco alyas Bugoy, 59-anyos, ex-punong barangay kun sa diin nag-angkon sang pilas sa iya tiyan samtang indi magnubo sa napulo ka mga kapilasan sa lawas ang naangkon sang Barangay Tanod nga nakilala kay Mario Marzan y Villan alyas Tura, 44 -anyos ang pang-edaron nga residente man sang nasambitan nga lugar.
Padayon pa sa subong nga ginatul-id sang kapulisan ang imbestigasyon bangud sa magkatuhay nga alegasyon ukon bersyon sang magtimbang nga bahin.
Nahibaluan nga lunsay yara sa impluwensya sang makahulobog nga ilimnon ang mga biktima kag ginatudlo suspek nga sanday Antonio Villan Jr kag mag -amay nga Crizaldo kag Christian Belarmino.
Ginpahayag sang hepe sang Sigma MPS nga si PLT Rey Jayson Gimeno nga base sa inisyal nga imbestigasyon, gingubat sang mga biktima ang naga-inum man nga mga suspek sa poluy-an sang pamilya Belarmino kag ginsablaw bangud sa magahud kag dis-oras na sang gab-i.
Sa wala pa ma-establisar nga sirkumstansya, nangin masingki ang pagsabtanay sang mga ini nga nagresulta sa maduguon nga insidente.
Gintinguhaan pa nga dal-on sa Dao District Hospital ang mga biktima apang gindeklarar ang mga ini nga dead-on-arrival.
Samtang ang isa sa mga suspek nga si Crizaldo Belarmino ang padayon subong nga naka-hospital arrest matapos nga nag-angkon man sang mga kapilasan sa lawas.
Ang anak nga si Christian Belarmino ang yara na sa paghinakop sang Sigma PNP samtang ang isa pa ka suspek nga ginkilala kay Antonio Villan Jr.

Facebook Comments