Gipaaresto sa korte sa Surigao Del Sur si Kapa Founder Pastor Joel Apolinario ug uban pang opisyal sa Kapa Ministry International.
Sigun sa Securities and Exchange Commission, nagpagawas na ug arrest warrant ang Bislig City Trial Court Branch 29 batok nila Apolinario, asawa niini ug Corporate Secretary Reyna Apolinario, Trustee Margie Danao.
Ingonman ang mga mosunod na indibwal na gikaingong nag – promote sa maong investment scam na sila si Marisol Diaz, Adelfa Fernandico, Moises Mopia, Catherine Evangelista ug Rene Catubigan.
Gipagawas ang maong warrant human nagpasaka ang prosecutor sa DOJ sa criminal charges batok kang Apolinario ug uban pa tungod sa pagsupak sa Republic Act 8799 o securities regulation code.
Naila ang KAPA tungod sa saad niining paghatag ug 30% na love gift sa matag donasyon nga gitanyag sa mga miyembro niini.
Madumduman nga niadtong nakalabyang tuig mismong si Pangulong Rodrigo Duterte ang nagmando nga ipasirado ang KAPA.
[image: joel apolinario.jpg]
