Full face shield required sa mga public market vendors

25

Davao City – Hugot gipahimangnoan ang mga vendors sa pampublikong mga palengke sa syudad nga tumanon ang COVID-19 health protocols.

Sa interbyu sa DXDC RMN Davao kang City Economic Enterprise chief Maribeth Lumactod, gibutyag niini nga nagpabiling epektibo ang pagpatuman sa ‘One Entrance, One Exit Policy ‘ sa mga palengke, hand-washing area ug foot bath.

Gawas sa pagsul-ob sa face masks, gi-required ang mga tindera nga magsul-ob og full face shields.

“Sa ilaha lang man pod na kay og dili sila mupatuo, dili sila kabaligya ug walay panginabuhian,” sumala niini.

Matud ni Lumactod, nagpabiling cleared sa COVID-19, ang mga pampublikong palengkes sa dakbayan sa Davao.

RadyoMaN Aimee Guinita

Facebook Comments